Eintrag 929 lesen

Dieser Eintrag wurde von Maria Mülleder (maria.muelleder@aon.at) am 24. 11. 2010 um 22:58:44 verfasst.

Gedicht des Monats

Wintezeit

Im Oktober haum ma d`Uhren
umgstöt auf de Winterzeit.
`s Weihnachtsgschäft rennt auf Touren
da Lebkuchn steht längst bereit.

Vielleicht kimmt da Winter boid -
seit September hoazn ma ein.
Da Oktober war nass und koit -
im November gibt`s nu Sonnenschein.

Blauer Hümmi - warme Tag -
drüwa legt sih d`koite Nacht.
Nöwi hat s`bracht - den ih net mag -
d` Morgenschleier san a Pracht!

Van Bodn ziagn s`wia va Geisterhand
bis in a gwisse Höh.
Sonnig iss hoch obm im Land
und van Gebirg her - leucht da Schnee!

Da Advent steht vor da Tür,
bis Weihnachtn san nu vier Wochan.
Zeit - durch d`Finger rinnt sie mir -
wann d` Neujahrsraketn krachan!

D´ Nacht wird länger Tag für Tag -
Schnee machat zan Skifahrn Freud!
Mit`m Schaufeln hat ma dann a Plag -
mia san mittn - in da Winterzeit!

Ganzer Thread

Zurück zur Forumshauptdatei Eintrag beantworten