AutorIn des Beitrages:
Fischer Wilhelm
4650 Lambach
wilhelm.otto.fischer@gmx.net
Zurück | Da Obmdstern
I geh hoam. Es is scho spot.
Wia höll dö Venus stroit!
Da kloare Hümmöl leicht
wia van an Kinstler gmoit.
Ban Bodn gschpiarst nu dö Sunn.
Ihr zoarter, goidner Schimmer
wird rosig, daunn höllblau
und nochand siahgt man nimmer.
Dös Blau wird oiweul dunkler.
Dö Nocht schluckt ollö Foarbm.
Wia scheens net glaunzt, dö Venus!
I bi scho glei dahoam.
Dö Ruah do um mi umma
tuat ma gaunz gwoiddi guat!
Sie stimmt mi richti feierli
und gach ziahg i mein Huat.
In Otn vo da Schöpfung
moan i fost, dassi gschpiar
und oiss kimmt ma besinnli
und majestätisch viar.
Miar is aso, wia nahm mi
wer hülfreich ba dö Oarm.
I moan es is dö Venus.
Dö bringt mi sicher hoam. |
