AutorIn des Beitrages:
Fischer Wilhelm
4650 Lambach
wilhelm.otto.fischer@gmx.net
Zurück | Sunnawend
Dö Gerschdn is gmahd, da Woaz is van Föid.
Da Raps is dahoam und hiadzdd kimmdd ma d Wöid
iargendwia aundas via : s gehdd ma wos o.
Es gehdd ma wos o und is neamma do!
S is neamma grea und frisch, wia s friaga woar.
Hodd sih scho drahdd iwa d Middn dös Joahr.
Gwiess, s woxdd nu weida, oiss is nu voi Lebm,
gach weards dö Ruabm und dö Erdöpfö gebm.
Da Mais is nu grea und d Mosddbiarn sand aa
nu ned gaunz zeidi. Es woxdd nu, naa, naa!
Es woxdd nu, es lebdd nu, dös scho - und doh :
d Bladln foin scho o, d Bladln foin scho o.
Ba mia iss genau so, s is ned wia s woar.
Sö sand neamma brau, naa, weiss sands dö Hoar.
Fia d Augn howih Glasln, in Hearz fümf Stendd.
Mih hods ba dö Baundscheibm und aa dö Händ
sand ziemli vawuarschdldd und neamma grod,
weus mad Sehnan va d Finga zaummzogn hod.
Frisch binih neamma, ih leb zwoar, dös joo - und doh :
d Bladln foin scho o, d Bladln foin scho o. |
