Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Fischer Wilhelm

Dö Hymne

MundArt des Monats Mundart-Autoren Neueinträge
Beitrag anmelden


AutorIn des Beitrages:


Fischer Wilhelm
4650 Lambach
wilhelm.otto.fischer@gmx.net

Zurück

Dö Hymne

Scho laung, i woass goar ned wia laung,
ärgats mi wüld und mochts mi kraung,

dass in dem Liad, dös ma dö Hymne nennan,
gros netta grosse Buam viarkemman.

Dö grossn Töchta sands ned wert,
dass mas ban Hymnesingan ehrt.

Mei Tochta hot drei Moi spondiert,
dö Schidamen hobm jubiliert,

Goid, Goid und wieda Goid dafoahrn.
Wia d Fraun in Wean vasaummölt woarn

zan Wöltfrauntog wia vur zwoa Joahrn,
do hoasst s oiweul, gefosst in Töne :

HEIMAT BIST DU GROSSER SÖHNE.

Af oimoi, pötzli mit oan Schlog
wearn d Töchta öffentli - zwoa Tog!

Dö Soch wiad a Politikum!
So owa bringt ma Sochfrogn um.

Wos wiad do bled polemisiert,
vadodlt, aungschütt, intrigiert,

valocht, beschimpft gaunz hundsgemein.
Schoits in Computer nettar ein.

Do schreibm af mehr ois hundat Seitn
dö Leit des laungen und des breitn

eahn Mist - und neamd kaunns klogn,
weuls anonym eahn Schmus vuatrogn.

Ba dem massivn Widastaund
iss kloar, dass sih dö Fraun ned traund,

a gressre Umdichtung zan mochn.
So wearns hoid bleibm dö oidn Sochn.

Netta dö Töchta wearns eini bringa.
Klingts oda hupfts . so wearn mas singa.

Ih, weul ih a weng a Dichta bi,
ih hätt an Text, der reimat sih,

war rhythmisch grod aso wia der,
den wos ma gsungan hobm bisher.

Kloa winzi ändarat sih da Sinn
und d grossn Töchta warn aa drin.

Mein Text hobm da Herr Präsident
und d Klubobfraun van Parlament

schon laung in d Händ.
Ih hob eahn gsendt.

Fiar eich häng ihn do hintn aun,
dassn aniada lesn kaunn :


LAND DER BERGE, LAND AM STROME,
LAND DER ÄCKER, LAND DER DOME,
LAND AN KUNST UND WISSEN REICH.
GROSSER TÖCHTER, GROSSER SÖHNE
HEIMAT BIST DU, WUNDERSCHÖNE,
VIELGERÜHMTES ÖSTERREICH,
VIELGERÜHMTES ÖSTERREICH!

ARG BEFEHDET UND UMSTRITTEN,
LIEGST EUROPA DU INMITTEN
EINEM STARKEN HERZEN GLEICH.
HAST SEIT FRÜHEN AHNENTAGEN
SCHWEREN SCHICKSALS LAST GETRAGEN,
VIELGEPRÜFTES ÖSTERREICH,
VIELGEPRÜFTES ÖSTERREICH!

MUTIG IN DIE NEUEN ZEITEN,
FREI UND FRIEDVOLL SIEH UNS SCHREITEN,
ARBEITSFROH UND HOFFNUNGSREICH.
EINIG LASS IN JUBELCHÖREN,
HEIMATLAND, DIR TREUE SCHWÖREN,
VIELGELIEBTES ÖSTERREICH,
VIELGELIEBTES ÖSTERREICH!
DÖS WAR MEI TEXT GWEN.

 Mundart-Datenbank - Gesammelte Beiträge von Mundartautoren und Lesern zum Schmökern!