AutorIn des Beitrages:

Dar Maschnkriag

Oiweil waon ih kimm zum Rand,
keman d´ Maschn durchanand.
Dös Häggön war ja eh recht nett,
aber ´s Zöhln is so a Gfrett,
moant d´ Huaba Thres:
„Hiazt wirds mar z´bunt,
dö Maschn, dös san blede Hundd“.
Sie legt dös Glumpat in a Eck
und schaut ganz oafach drüber weg.


A poar Tag drauf is d´ Thres daon gaonga,
und hat dös Zeug gschwind viara gfaonga.
Dös Häggön is ihr hiazt gelunga,
sie hat den Frust in ihr bezwunga,
und gfreit sih über ihr schens Deckerl,
stöllt drauf a kloanes Blumenstöckerl,
sagt selbstbewusst und siegessicher:
„Mei dös is hiazt wunderschee,
ih habs ja gwisst, ih koans ja eeh“.