AutorIn des Beitrages:
Fischer Wilhelm
4650 Lambach
wilhelm.otto.fischer@gmx.net
Zurück | D Muadaschproch
Muadaschproch, Mundoart,
Hoamat, Dahoam -
is so schee, schmeckt so guad
wiara Bier mit an Foam.
Gehst wodawö umma
wet draussd i da Wöd,
oans kaunnst da ned kafn,
aa ned um vü Göd :
dös Gfüh,dass d dahoam bist!
Gach gschpiarst as owa doh,
redt dih oana, bist wodawö,
i da Muadaschproch auo.
Wer d Mundoart vagisst,
valiart sei Dahoam.
Hätt a nu so vü Göd,
wara dennat gaunz oarm.
Mit dö vün Anglizismen,
dö d Leit heit vawendn,
wearns, dös is zan fiarchtn,
ban Mundoarttod endn.
Drum nimm ih ma viar,
ih red, dös is gwiess,
a Schproch, dö va kloa af
mei Muadaschproch is. |
