AutorIn des Beitrages:
Holl Elisabeth
4600 Wels
elisabeth.holl@outlook.com
Zurück | ´s Liacht in da Nacht
A Latern aufm Wasser,
umadum funkön d` Stern.
Ihr Liacht leicht`t
weithin üban See.
Dös Liacht dringt ei(n)
ins Dunkö da Nacht,
dringt ei(n) in dö Herzn,
möchts aufwarma
und woach macha.
Ah dö ganz hartn
und eiskaltn.
Dös Liacht in da Latern
mahnt zum Friedn,
zum Guatsei(n),
zum aufananda Zuageh.
Es leicht`t fia uns alle.
Dös Liacht in da Nacht
is dös Friednsliacht
vom Wolfgangsee!
Elisabeth Holl Dezember 2006 |
