Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Gruber Irene

Heut putz I mei Kastl

MundArt des Monats Mundart-Autoren Neueinträge
Beitrag anmelden


AutorIn des Beitrages:


Gruber Irene
4906 Eberschwang
gruber.irene@aon.at

Zurück

Heut putz I mei Kastl

Es regnt, mei is des sche
Heut braucht man net ausse geh
I mach mas gemütlich im Wintergarten
Und studier an Katalog vom Gemüsegarten

A wenig was muaß I schon tuan heut
Nur Müßiggang macht a koa Freud
Freud macht a schon, des warad glogn
Nur des Hausfrauengwissen tuat mi glei plagn

Endlich kann I des Kastl zaumrama
Irwend tuat ma davon schon drama
Heut nimm I mas vor, heut pack I´s gwiss
Damit in dem Kastl endlich wieder Ordnung is

I geh ums Putzzeig glei geschwind
Und siag im Eck a Spinn de spinnt
Mit`n Staubauger saug Is ein
So vü Zeit wird wohl nu sein

Jetzt wo des Trum schon hergrammt is
Saug I ois, a untan Tisch
Da merk I dass de Sesslfiaß pickan
während I`s putz kann der Fußboden trickan

Mei de Fensterbanken de schaun aus
Da liegt vü Glump mia kimmt da Graus
Die Schätze verteil I auf d`Kinderzimmer
Aber da oben is der Saustall nu schlimmer

I steig über Feuerwehr, Flieger und Eisenbahn
Und verrams nu gschwind, des is glei dan
Bevor I des Gwand im Schrank verstau
Ram ois aussa und sortiers genau

Ois was zkloa is kummt in Schachteln eine
Am Dachboden wird’s aufghoben für die Kleine
De Dachboden Stiegn is staubig, des siag I glei
Aber mit mein neichen Fetzen is des koa Hexerei

Am Dachboden oben da bin I blind
Sonst kumm I nimma oba bis Christkind kimt
Beim oba gehen staub I des Stiegenglanda oh
Des geht im vorbeigehn, einfach nur so

Wieso liegt im Stiegenhaus a Regenjacken
I trags in d´Garderobe und hengs auf ihrn Hacken
Jetzt hats aufghört zum regna I kanns gar net glauben
Vorbei is mit`n wischen, putzen und saugen

Wenn d`Sonn aussaschaut, dann halts mi nimma
Drinnen im Haus, in irgend an Zimmer
Da muaß I in Garten, muaß grasen und schnei
Da is mir de Hausarbeit ganz einerlei

Ja liabs Kastl du mußt wieder warten
Auf den nächsten Regen, weil zerst kimt da Garten
Wenns nächste mal schütt, des versprich I dir
Dann is mei erster Weg mit´n Putzzeug zu dir

 Mundart-Datenbank - Gesammelte Beiträge von Mundartautoren und Lesern zum Schmökern!