AutorIn des Beitrages:
Fischer Wilhelm
4650 Lambach
wilhelm.otto.fischer@gmx.net
Zurück | D Sunn
D Täg wean oiweu triab und triawa.
Heastas zwitschan wo, mei Liawa,
wia mas gheat hom nu in Mai?
D Vogal sand scho weggazogn,
hand in Südn owigflogn,
und da Summar is vuabei.
Dö noh dosand, singand neamma,
und um dös issLebm hiatzt äama.
Sogstas aa, dös tuat da weh?
Aa dö Luft wiad oiweu köda
und scho boid sand ollö Föda
zuadeckt ummadum min Schnee.
Owa Leitln, sads ned zwida,
weu dö Vogal kemmand wieda,
und daunn bliahn aa wieda d Schtreich.
Und dö Imb heast wieda summa
und dö dickn Käfa brumma.
Duri d Sunn wiad gach oiss neich. |
