AutorIn des Beitrages:
Mülleder Maria
4209 Gallneukirchen
Zurück | A Christkindl Bundeslaund
Oberösterreich is bekaunnt
ah ois Christkindl Bundeslaund!
Bei Steyr findt ma dein kloan Ort –
Christkindl – kennt ma net nur dort.
De gaunze Wöt schickt d` Post doher
oi Joahr za Weihnochtn wird s` mehr!
De Weihnochtspost soi gstemplt werdn
`s Christkindl Postamt muß sih drum schern!
Hochbetrieb herrscht zur Weihnochtszeit –
gibt Oarbat für a Haufm Leut!
Und „Stille Nacht“ dos Weihnochtsliad –
wos auf da Wöt gern gsunga wird –
dazua hot da Innviertla Komponist –
Franz Xaver Gruber d` Notn gwißt!
A` Weihnochtserzählung vom Dichter
is „Bergkristall“ van Adalbert Stifter!
Und „Es wird schau` gleih dumpa“ Liad –
hot da Reidinger dicht und komponiert!
Suacht wer den scheinstn Weihnochtsmoarkt
in Oberösterreich findt er `n sofort!
Am 24. Dezember daun –
foahrt am Pöstlingberg nu d` Grottnbauhn!
De Deutschn haum d` Christbam eingführt
1848 den erstn aufgstöt in Riad.
1930 ziagn s` daun ah in Ebmsee ei` –
derfm seit 1960 am Linza Hauptplotz steih`!
Seit 1200 haum Krippm Tradition
1603 erstmois in Linz aufgstöt schon!
Bei uns is `s Brauch – solaung ih woaß –
d` Leut san so gern auf Kripperlroas!
Brauchtum is längst `s Friedensliacht holn
seit 1986 derf `s a Kind bringa uns Olln!
Es liegt hoit in unsera Natur –
mia toan gern wos für d` Volkskultur!
Drum is Oberösterreich bekaunnt –
ois dos Christkindl Bundeslaund!
13.12.13 Weihnachtszeit |
