AutorIn des Beitrages:
Fischer Wilhelm
4650 Lambach
wilhelm.otto.fischer@gmx.net
Zurück | Lebmslust
Wiara Juchza hot dös klunga,
voi Energie und Lebmslust!
Grod so hot dö Aumsl gsunga.
Dabei zaschprengts iah fost dö Brust.
Mei, du Vogal, kloana Sänga,
gehts daraa aso wia mia?
Wüst ned stü sei meah nu länga?
D Freid muass aussa, kimmt da fia?
Gö, dö Sunn hots gmocht dö woarme,
dö hiatzt wiedar aufakimmt
zan Äquator und ins Oarme
intar iahre Fittich nimmt.
Ih fia mih denk ma ba mia,
ih moch in Juchza, schrei "Juchu"!
Oiss aundre iwaloss ih dia.
Dös scheene Gsangl. dös mochst du!
|
