AutorIn des Beitrages:
Mülleder Maria
4209 Gallneukirchen
maria.muelleder@aon.at
Zurück | Fastenzeit
Nach der ausglossna Faschigzeit
is jedsmoi daun de Fastenzeit.
Do kasteien sih manche Leut
und fostn bis zur Osterzeit –
zan Ohneihma sofort bereit.
Nur `s Einhoitn is net goar so leicht
weil `s Verzichtn fost jeda scheicht.
`s Fastn wah ah für `s Hirn gaunz guat,
entgiftn kunnt sih dabei `s Bluat.
In Körper reinign, entlostn –
kunnt` jo nochher weita fostn.
Beim Essn soll ma wos einspoarn,
weil Bauch und Po san größa woarn.
Schlanker sein – möcht doh jeda gern
beweglich wia a Fedan werdn.
Ma hört oiwei` nur: F D H –
ih woaß net, wos de Hälfte wa!
Des soi ma hoit sei` Lebtag toa,
bin mit dem Schicksoi net alloa.
Ih suach und findt de Hälfte net,
mit`m Ohneihma is `s hoit a Gfrett!
11.02.2008 |
