Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Glawischnig Werner

Da Summa!!

MundArt des Monats Mundart-Autoren Neueinträge
Beitrag anmelden


AutorIn des Beitrages:


Glawischnig Werner
9620 Hermagor
glawischnig.59@aon.at

Zurück

Da Summa!!

De Sun geaht auf in olla Fruah,
es weard a gonz a longa Tog,
de Hitz nimmt imma festa zua,
ka Lüftle sich bewegn mog.

Es steaht de Luft zua Mittogszeit,
ka Wölkle ziagt dahear,
wia dos Gros noch Wossa schreit,
es rinnt ka Bachle mehr.

So wia de Sun schwar ausegeaht,
nimmt sie de Gluat mit in de Nocht,
da Obndstearn am Himml steaht,
valoarn hot se ihre Mocht

Wia von Zaubahond bewegt,
ziagn Wölklan schnell daher,
is ka Lüftle, dos sich regt,
sigst den groaßn Stern nit mehr.

A Unruah in de Blattlan drin
da Wind spielt sich damit.
Er wirblt Astlan so dahin,
hearst du dos Wetta nit?

A Wettaleuchtn in da Fern,
schware Wolkn türmen auf,
a dumpfes Grolln is zan höam,
dos Unheil nimmt jetzt seinen Lauf.

Blitze zuckn üba's Tol,
da Sturm fegt üba's Lond,
a Regn wia a Wossafoll,
de Bachlan steign üban Rond.

Schaugst durch's Fensta in de Nocht,
weard so monchn Ongst und Bong,
los zu, wia's umadum lei krocht,
hearst a nit den Glocknklong,

Es schaut so her, oll' s war nix gschegn,
lei a poar Astlan liegn uma,
de Zeit bringt Unheil und a Segn,
es woar a wundascheana Summa.

 Mundart-Datenbank - Gesammelte Beiträge von Mundartautoren und Lesern zum Schmökern!