AutorIn des Beitrages:
Sumper Gabriela
4040 Linz
gabi.sumper@gmail.com
Zurück | A groß Problem...
Wonnst kloa bist, und dazua nu z'rund
donn host a groß Problem.
Wei d'Leit daunn sogn, des is net g'sund
net sche, und net bequem.
Ois Kugöfisch bezeichnens di
und ois des Viech mi'm Riassl
a lebats Knedal bist fir sie
mit kurze, dicke Fiassl.
Im Wirtshaus lossns di auf d'Baung
wei d'Sessln fir di z'schmoi wean
unds geh, des ziagt sie machti laung
wei di d'Leit deppat aurean.
A G'wischplat gibts, DE haum ern Spass
wonnst AMOI stehst ban Standl
und isst an hoassn Lebakas
mit dein vüh z'enga Gwandl!
Jo mei, I finds hoit net so wüd
wonns Gwoundt spaunnt , das da d'Knepf sprengt
das s'Wampal üba d'Hosn quüht
unds Jankal sauwa eiengt.
Nur oans is fad, dös g'foit ma net
das olle Leit glei dengan
du bist vielleicht a bissl bled
weus nur dei Äussas kennan.
|
