AutorIn des Beitrages:

Soibstgespräch

Da Mo hot Schichtdienst
Er is ba da Eisnboh.
Er kimp va da Arbeit hoam,
i steh auf und fong meine oh.

Er geht liegn, stad soits sei,
er mecht sei Ruah.
Und i muas schaun
wia i trotzdem mei Arbeit dadua.

Nåoch a påo Stund steht er auf
und sitzt si a de Kuche ei
I fong glei oh, wü mit earm redn,
tua mi üba sei Gsoischoåft gfrei.

I mecht wåos dafråogn ,
dua erm ois vazöin.
wü mit erm låchn
und dabei s Essn histöin.

Er liest in da Zeiteng
schaut gar nit auf
I stoi scho zwoamoi de gleiche Fraog
„Host was gsoagt,“ moat er drauf.

Ebas vaschnupft saog i :
„Loost du mir nit zua!“
„Sei a moi stad, brumet er
„Siagst ai, das i leisn dua!“
.
Hiaz bi i z`keit
ho mi umdraht,
vadruck mi aus da Kuche
und bi stad.

Geh za meine Viacha
aussi an Stoi.
Den Knedl im Hois,
den daschluck i nit oi.

I sinnier herum
Und das i laut schrefetz, ku sogao sei
und i ho des Gfüi
de Viacha dans se mehr üba mi gfrei

Is jo nit onascht
wia i inna ho do.
Nua de Viacha ,
de schaun mi wenigstens dabei oh