AutorIn des Beitrages:

So lebst lang

Schen zeiti ins Bett geh’n,
bald in da Friah afsteh’n,
koan Kaffee za da Supp‘n, nettas a Mülli,
hiviardachti ess’n, do a net gar z’bülli,

ban Trinka da sollt ma se a wengal z’ruckhalt’n,
ban Wandern geh‘n sollt ma net glei in Ruck fall’n,
und a mit da G‘sundheit derf ma net prass’n,
in Most ganz vameid’n, den scharfen und rass’n,

und ess’n schen maga mit weng Kalorien,
koan Zugga net, hechstens nu a Sacharin,
in Bluatdruck beachten ba da Liab und im Sport
und net z’lang mehr sitzen am Kaiser sein Ort,

weg’n da Trombos’n und de Hämorroiden,
glaub‘ mas, das ganze, des macht di net z’fried’n,
fir was war da Mensch denn dann a nu am Leb’n ?
Da kinnast da ja a de Kugö glei geb’n.