AutorIn des Beitrages:
Sumper Gabriela 4040 Linz gabi.sumper@gmail.com
Zurück | Erntezeit
D'Zeit der Eante is aubrocha
mit füh Oabeit, mit füh kocha
Troadmandln stengan, wiad Armee
aum Wegrand spriasst da letzte Klee..
D'Kersch und d'Zwetschkn san im Glasl
S'Sauerkraut im Eichnfassl...
D'Eapfö san schau laung im Kölla
Kraut und Ruabn, und a da Zölla
Oisi liegt sche gschlicht parat
laung, bevoa da Schneewind waht..
D'Öpfö, d'Nuss voin oh vom Bam
S'Laub is wia a bunta Tram
D'Bucheckal aum Bodn vastraht
S'Oachkatzl, des boid vazaht..
D'Weinbal de aum Frost no woatn
D'Astan blian im herbstli Goatn..
Stoppöföda, obrennts Gros
Nöweschwadn wia na wos..
D'Eantezeit is hiaz voabei
D'Daunkboakeit derf imma sei.
|