AutorIn des Beitrages:
Lahnsteiner Gertrud
4802 Ebensee
Gerrud.Lahnsteiner@tele2.at
Zurück | D´Zeit vergeht
Schnell geht d´Zeit wieder nach vorn
und schon san ma a Jahr älter wordn,
und Jahr für Jahr, Wo liegt da Fehler?
moan ma d´Zeit wird allweil schneller.
Früher war uns d´Zeit oft lang,
dafür war schneller unser Gang,
je schlechter ma selber weiter kann,
umso schneller rennt oan d´Zeit davon.
´s älter werdn is nit so gschmah,
bald zwickt´s oan dort, dann wieder da,
d´Medikamente werdn allweil mehr,
denn Krankheitn kemman daher.
Es is für Manchn schwar zum Fassn,
was ma gern tan hat, des muass ma lassn,
es zwingt oan s´Lebm halt ah dazua,
ma wünscht sih oft sogar sein Ruah.
Machan ma uns aber nit z´vü Sorgn,
heit is heit und dann kimmt morgn,
nutzn ma an guatn Augnblick,
gfrein ma uns über jeds kloane Glück.
|
