AutorIn des Beitrages:
Affengruber Franz 3311 Zeillern afra1@gmx.at
Zurück | Vakehrte Wirtschåftsprüfung?
Vor mehr åls 2000 Jåhr auf unserer Welt,
des is notiert in an Biachl für´s Leb´n,
steht a Bericht, wia kånn´s des geb´n,
is a schon g´stritt´n word´n ums liabe Geld!
Dåmals håt´s nu koana g´wisst,
und heut då is´s genau nu so,
a g´kaufte Freunschåft måcht net froh,
die Freundschåft mit´n Jesus Christ!
Wånn kimmt da Besitzer va den Grund,
verstampert die Händler mitsåmt eahn Geld,
damit regiert wås wirkli´ zählt,
und ´sHaus van Våter wa wieder g´sund!
I bi a nimma jung, åber nu net ranzig,
und woaß a nix, wia geht´s wohl aus,
wer räumt des Wirtschåftstempelhaus,
wia´s beschrieb´n in Joh 2, 13-22?
23.11.14 Afra
|