AutorIn des Beitrages:

Hoffnung aufs Neiche Jahr

Hoffentlich wird des nächste Jahr
besser als des vorig war,
Terror, Elend, Kriag und Not,
oft fehlt´s gar am täglichn Brot,
Katastrophn da und dort
san kemma über manchn Ort.

Wasser, Wind, ah Hitz und Kält
machan z´schaffn unserer Welt,
und d´Aussichtn werdn nit schena,
da dran muass sih d´Menschheit gwehna,
allweil wird´s wieder Unglück gebm,
de vüle Leit nit überlebm.

Überall kimmt´s zu Gewalt,
de macht heit vor nix mehr Halt,
auf dem weitn Erdnrund
gehngan sinnlos Menschn z´grund,
Meldungen gibt´s jedn Tag
und de machan d´Bevölkerung zag.

Kann man für a Neichs Jahr hoffn?
Ih tua mih schwar,des sag ih offn,
aber es muass weiter gehn,
d´Erdn bleibt bestimmt bestehn,
es wird ja doh so lang ma lebm
allweil ah guate Zeitn gebm.