AutorIn des Beitrages:
Holl Elisabeth
4600 Wels
elisabeth.holl@outlook.com
Zurück | Wintarosn
Is ah dar Winta grimmig koid
und ´s Land is voller Schnee,
koa Bleamal siagt mar nirgends mehr ,
ganz zuagfroan is dar See.
Doh aufm Fenster, schau grad hin,
ös is ah woahre Freid,
bliahn Rosn – glitzernd wia Kristoi -
ah hiazt zur Wintaszeit.
Dö Rosn aus Eis, dö ´s Fensta ziern,
koanns nur im Winta gebm.
Ih bih mar sicher, sö san gwiss
kloane Wunder im Lebm.
Elisabeth Holl
|
