AutorIn des Beitrages:
Neulinger Karin 3900 Schwarzenau karin.karo@hotmail.de
Zurück | S' Wetta
So a Dezember- Köidn. Des hoit i net aus!
Und erst de Hitz im Juli- Wos fir a Graus'.
De anen wünschn se den Schnee herbei.
De aundan sogn: „Hoffantli is da Winta boid vorbei!“
Wauns im Summa vü regnt, des is goa nermd recht.
Is owa haß, hoast glei:
„Jetzt hauma de Joahrhunderthitz- Mah geht’s uns schlecht!“
Do hüft sowieso ka jammern und ka plärrn.
Geht draußen da Wind, wirstn trotzdem hern.
Gaunz umsunst ist des Suddan und der Tratsch.
Sei es jetzt wegam Regn, Schnee oder Gatsch.
I sog nur: Des Wetta tuat sowieso wias wü!
De Sun- de i zum Lebn brauch, hob i imma im Gfüh.'
|