AutorIn des Beitrages:
FISCHER Wilhelm
4650 Lambach
wilhelm.otto.fischer@gmx.net
Zurück | Wear is da Gscheida
Waunn d Leit oan neetn, meah zan essn
wiara kau,
moant dea, dös war vamessn
und sogt: "Loosts mih au!
Waunn ih nuh weida kunnt,
assat ih nuh immer.
Weul ih owa neamma kau,
drum iss ih nimmer.
Da Ox und d Kuah zan Beischpü
wissnt gaunz genau,
waunns gnua hobm
und waunn nix meah einigeht in Bauh.
Und wissat ih dös hiatznd ned,
daunn war dös Vieh,
dös muass ih neidlos zuagebm,
gscheidar ois wiarih.
Drum glabts ma s doh,
ös liawe Leidln,ih ho gnua.
Guat hots ma gschmeckt,
hearts neetn af und gebts a Ruah!"
|
