AutorIn des Beitrages:
Hörschläger Franz Christian 4173 St. Veit im Mühlkreis franz.hoerschlaeger@aon.at
Zurück | Spinnanetz wia Süwafad'n
Im Fenstaglas bald in da Friah
da spiagöt si da Tag hivia,
wann d'Stern nu blink’n dort und da,
zeichnet se schon gloaweis langsam a,
dass heut’ a schenes Tagerl kimmt
des mir des Frühjahrsmiade nimmt.
Spinnanetz wia Süwafad'n
hängan in de Staud'n und Bam,
glitzern fei im Morgentau,
hiazand woass i ganz genau,
wo's mi hinloat heutig'n Tag,
i muass aussi, gar koa Frag. |