AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | De Allergie
De Nas'n rinnt, des Aug, des juckt,
ma möcht’s grad aussareib'n,
im Frühjahr spiel'n de Poll'n verruckt,
mi plagt's, es is zum Speib'n.
De Grasl'n und de Bam vastrah'n,
was di dann Wochan quält,
was d'Wind dir in die Aug'n wah'n,
des kost' a Weil’ a Geld.
Da Dokta gibt da Aug'ntropf'n,
an Nas'nspray, etla Tinktur'n,
de muasst da tägli einistopf'n,
sündteuer san die b'sonder'n Kur'n.
Und lasst da Juckreiz do beizeit'n
schen gloaweis wieda amoi nach
und mag ma's drausst wieda daleid'n,
dann is bald d'raf da Winter da. |
