AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | s'Pflanzlsetz'n
Pflanz'l setz'n tuat de Moam
wia jedes Jahr ba ins dahoam,
da richts si si a Steckerl z'samm,
damit den gleich'n Abstand hab'n
de Pflanzl'n, schen in oana Reih'
stengan, weil des siagt was glei'.
An ganz'n Tag steht's in de Roan,
ganz bucklat wird's dabei und kloan.
Sie legt de Kern ein mit Bedacht,
so hat's es jedes Jahr schon g'macht,
a Stangö Abstand zwisch'n zwoa,
sie nimmt si z'samm ban Einitoan.
In Wurm is's wurscht, wia s'Fuadda steht,
wann er za de kloan Pflanzl'n geht,
wichti is's eahm, dass guat schmeckan
und fir'n gross'n Hunga g'leckan.
Ob's Spalier steh'n, wia i moan,
is in Wurm grad oanaloa.
|
