AutorIn des Beitrages:
Holl Elisabeth
4600 Wels
elisabeth.holl@outlook.com
Zurück | Dö gfarbtn Oar
Da Ostahas, der bringt oi Joahr,
zum Ostafest dö gfarbtn Oar.
Sö ghearn gaunz oafach da dazua,
doh d´ Leit ham damit nimma gnua.
Drum glaubts mas, ös is wirlih woahr,
in Summa hoaßns Jausnoar.
Im Herbst da sans nuh oiwei da,
mei liaba, dös is nimma gschmah.
Daunn moanat ma, ös is a Ruah,
was kamat sunst denn nuh dazua ?
Kimmt da Advent, dö „Stille“ Zeit,
und Weihnachtn is nimma weit.
Toats enk net teischn liabe Leit,
dö gfarbtn Oar gibt’s jedazeit,
und so is´s eigentlih gaunz kloar,
zum neichn Joahr gibt’s Weihnachtsoar.
|
