AutorIn des Beitrages:

Dann sitz i mi hin

Oft bin i valoarn und valassen
und zeitweis da kunnt i scho moan,
es gibt koane Leit in da Gass‘n,
dann sitz i mi hin und i woan.

I rea ma de Sorg'n va mein Herz'n,
dass mi grad beitelt und ruckt,
des san scho glei haftige Schmerz'n,
hiazant muass aussa, sonst wir i varuckt.

Und kloanweis da wirds wieda heller
ganz tief da drin in mein Gmüat,
und s'Herzl des schlagt wieda schneller,
dass s'Schnaun wieda leichter mir wird.