AutorIn des Beitrages:
Hörschläger Franz Christian 4173 St. Veit im Mühlkreis franz.hoerschlaeger@aon.at
Zurück | Af’n Dengöstuhl
Da alte Vodda sitzt
af’n Dengöstuhl und schwitzt,
dass ma a nu dengön kann
oissa alter kranka Mann.
Frira oissa junger Kampö
hat er dengöt wia a Gampö,
koane hat si recht beschwert
dengöt hat er, wia si's g'heart.
Mei, es geht halt ois zan End,
wann er a scho vü vakennt,
da Dengöstuhl tuat eam nu not,
grad so wia des tägli Brot. |