AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | Unter'n Herrgott sein Dach
Am Ab'nd, wann's dann stad wird
im Dorf und im Haus
aftand roas i nu aus
und geh a paar Schriatt.
Da wird's erst schen
unter'n Herrgott sein Dach,
und hiazt denk i fein nach
wia meine Jahrln vergehn.
Solang i's dageh'n mag,
da is ma net bang,
und wir i amoi krank
denk i z'ruck an de Tag,
wia's am Ab'nd stad is worn
unterm Herrgott sein Dach,
und i rea ea net nach,
weil mir san's net verlorn. |
