AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | Da g'heilte Streithansl
War i nu kloa vor etla Jahr,
da hat mi eps da Teifö g‘rittn,
i hab mit meine Gschwista gstritt'n
um jede nu so kloane War'.
Des G‘streitert war scho programmiert,
is‘s ganga um a Blatt'l Wurscht,
oda vülleicht an Saft fiarn Durscht,
des hat mei Muatta hafti g'stiert.
A öfts bin i in Kölla g'sessa,
und hab da meini Sünden biasst,
es hat eps g'nutzt, war net verwiast,
I glaub, seit damals bin i bessa. |
