AutorIn des Beitrages:
Fischer Wilhelm
4650 Lambach
wilhelm.otto.fischer@gmx.net
Zurück | D Wüdantnmuada
A Wüdantnmuada
schwimmt owi in Bo,
hot um ihra ummi
öf Wusala noh.
"Qua! Qua!" sogt dö Muada,
"hiatzt loosts amoi hea!
Bleibts oi schee banaunda
und mochts ma koa Gscheea"
Ös drei duat vuaraus,
ös woats ins, ös Gfrassta!
S Tempo gib ih au!
Koa Widared! Basta!
Und ös af da Seitn,
wos toats ös in Schüf?
Gach bleibt oas wo hänga
und wü, dass ih hüf.
Geh du do hintn,
tua weida, du Schaua!
Bist oiweu da Letzte,
gaunz a Schlaua.
Ois Wüdantnmuada
hostas schwa. Qua! Qua!,
dass d Kinda zaummhoitst.
Qua! Qua!-Qua! Qua! Qua!
So schimpfts dö Antn,
ruadat owi in Bo,
dö Kloan vuaraus,
af da Seitn, hint noh.
Owar oans is sicha,
gean hot sas doh.
Mih ziemt, es sand eh
ollö Müadan aso! |
