Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Supersberger Franz

Hamat -- Mocha -- Zwoate Hamat

MundArt des Monats Mundart-Autoren Neueinträge
Beitrag anmelden


AutorIn des Beitrages:


Supersberger Franz
9500 Villach
franz.supersberger@gmail.com

Zurück

Hamat -- Mocha -- Zwoate Hamat

Hamat

Vurbeifohrn on da Fabrik
mit da Sehnsucht im Koffaraum
noch da Hamat ols Kind.
De schmole Bergstroßn schiaßt
is Auto aufe wia a Vogl, de Seel
is no weita vuraus.

Gonz longsom um de letzte Kurvn
umafohrn und in Hof einebiagn.
Im Stoll san kane Vieha mehr,
dos Hei von de vurign Joahr
modat aufn Tennbodn dahin.
Om Motormäher hängan de
Spinnwebn. Es is still worn
im Stoll harin.....



Mocha

Wia de Mocha wieda
im Extrastüberl vom
Dorfgosthaus zomm gsessn san
und driba gsprochn hom,
man miaßat fir de Hamat
woas tuan,
an greßarn Lift,
an Golfplotz,
a neichs Schwimmbod,
do homs mit Hamat
ihrna Brieftoschn gmant …..



Zwoate Hamat

Wias Erbtal vasoffn
gwesn is,
da Bruda gheirat hot
und er vom Hof
geahn hot miaßn,
do hota im Worteraum
vom Bohnhof sei
zwoate Hamat gfundn .....

 Mundart-Datenbank - Gesammelte Beiträge von Mundartautoren und Lesern zum Schmökern!