AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | Fuaßballspül’n is Mass‘nsport
Fuaßballspül’n is Mass’nsport
und ma find’t de Mass’n dort,
und dort, wo de Mass’n san,
is a oiweu d’G’walt daham.
Und de ganz de Ollabled’n
schiass’n af’s Spüfeld mit Raket’n,
randalier’n af eane Räng‘
und san g’waltig volle Läng‘.
Zuageh’n tuat’s ois wia im Kriag,
Anarchie af jeda Stiag
nimmt den Sport in d‘Geis’lhaft,
und sie is’s, de d‘Unruah‘ schafft.
Wiaso muass ma se bekriag’n,
chaotisch durch de Strass’n ziag’n,
z’sammschlag’n oissamt kurz und kloa,
einsperr’n soll’t ma’s, wirkli woahr. |
