Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Hörschläger Franz Christian

Zwoa‘loa Leit‘

MundArt des Monats Mundart-Autoren Neueinträge
Beitrag anmelden


AutorIn des Beitrages:


Hörschläger Franz Christian
4173 St. Veit im Mühlkreis
franz.hoerschlaeger@aon.at

Zurück

Zwoa‘loa Leit‘

Zwoa‘loa Leit‘ gibt’s af da Welt,
der oane hat’s, der and’re net
und glaubt’s ma’s, i red‘ net van Geld,
es kennt’s a niada oan, i wett‘.

De Schwarzmaler und d’Optimist’n,
de Anzarra und Owizarra,
de Helfat’n und d’Egoist’n,
de Fleissig’n und de Damdrahra.

De Lustig’n und de Zwidawurz’n,
de Keusch’n und de Waumpert’n,
de Langzott‘ln , de mit de kurz’n,
de Armen und de G’schampert’n.

De Sauber’n und de G’fleckert’n,
de Fein‘ und a de Grob’n,
de G’wasch‘nan und de Dreckert’n,
de zan vateufön, de zan lob’n.

De Falsch’n und de Africhtig’n,
de Ehrlich’n und d’Valott’n,
de Fäul’n und a de Tüchtig’n,
de G’sund’n und Marod’n.

Ja, zwoa‘loa Leit‘ gibt’s af da Erd‘n,
ma kunnt‘ nu vüle nenna
und tuat‘s de g’freu’n oda gar stör’n,
du wirst ganz g’wiss oa kenna.

 Mundart-Datenbank - Gesammelte Beiträge von Mundartautoren und Lesern zum Schmökern!