AutorIn des Beitrages:

D´ Lastwagnfoahra

Sö oabatn fias Voik,
fia d´ Wirtschaft,
san verauntwortlih
dass dö Woar
bei da Kundschaft
guat aunkimmt.

Oba dö mehran Leit,
woiins net sehgn
auf da Straßn,
wo soins sunst foahrn?
Fliagade Lastwagn
gibt’s nuh net.

Koana denkt draun,
wia dös waa,
waunn amoi
a Zeit laung
im gaunzn Laund
nix gliefat wuadd.

Dös bringat vielleicht
d´ Leit zum Denga,
waunns nix mehr
einkaufm kinatn,
was ma so braucht
im täglichn Lebm.

Ih moa, daunn
waans wieda froh,
um d´Lastwagnfoahra.