AutorIn des Beitrages:
Hörschläger Franz Christian 4173 St. Veit im Mühlkreis franz.hoerschlaeger@aon.at
Zurück | A lukrative Zeit
Mia hab’n ois Kina bald gnua g’lernt,
wia d’Wirtschaft rennt, wia ma vadeant
und kloane G’schaftln hat’s gnua geb’n,
da mecht i eng hiazt was dazölln:
Da Vodda hat ins g’schickt ums Tragö,
des Wechslgeld, des hat ins g’heart,
ban Müliführ’n mit‘n Loatawagö
hamma den erscht’n Loin vadeant.
In Veddan hab’n ma in Tabak
und de Zigarrn van G‘schäft oft g’holt,
net umasinst, mia war‘n af Zack,
er hat ins schau des Gangö zahlt.
Da Moam samma um d’Zwüfö ganga
ins Gartl aussi, mit a Freud,
und hab’n fir des an Kreuzer g’fanga,
des war a lukrative Zeit.
|