AutorIn des Beitrages:

De neich’n Deitschlehra

Wia soll’n de Schuila g’scheida werd’n,
wenn d’Lehra a schau nix mehr wiss‘n,
im allgemeinan liegt’s ma fern
und druckat a ganz fest mi s‘G’wiss’n,
tat i de Lehra kritisier’n,
do a fir’s Lehraumt braucht’s a Hirn.
Wer heit de deutsche Sprach‘ verklickert,
soi schaun‘ dass selm eam eini sickert,
de mehran, de vasag’n ganz prächti
und san da Muaddasprach‘ net mächti.