AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | Mia geht’s wia mein‘ Hund
Wann mi wer frogat, war i g’sund,
dann sagat i, so wia mei Hund.
Wäu I hab oiss, vazöll engs eh‘,
aussa seine Leis‘ und Fleh.
Wia er hab i a Nas‘, a rinnat‘,
so dass i oiwäu schneitz’n kinnat,
de Aug’n so trüab, is des denn g‘recht,
grad wia mei Hund, er siagt schau schlecht.
Und mit de Zähnt geht’s man net bessa,
so wia ba eam werd’n d’Luckan gressa.
Mei Hoarpracht leid’t, es is a Graus,
grad wia mein Hund gengan’s ma aus.
Und wia mei Spitz, was sagst denn da,
ziag i mein Fuaß genauso nach.
Wann’s hiazt ban Schwanz’l nu was hätt‘,
dann warat des Malheer komplett.
|
