AutorIn des Beitrages:
Hörschläger Franz Christian 4173 St. Veit im Mühlkreis franz.hoerschlaeger@aon.at
Zurück | Oamoi nu achzehn sein
Hi und da tuat mi da Teifö reit’n,
wanns ma so richti guat geht,
möcht i wieda achtzehn sein
und oafach toan, was ansteht:
Fortgeh’n bis in’d Friah,
heitzutag is’s schau a Miah,
Lange Hoar va hint bis vorn,
meine san schau schleissi word’n,
Weit in’d Welt mit’n Auto fah’rn
I bleib‘ liaba schau dahoam,
Menscha hab’n auf oi zehn Finga,
i bi a nimma da Jünga,
Tanz’n, bis de Soiln vagliahn,
i kann d’Hax’n nimma riahr’n,
Ess’n fett und was guat schmeckt,
s’Kolesterin hat d’Schläuch valegt.
Wann i dann oiss so recht bedenk‘,
möcht‘ i net nu amoi oiss daleb’n,
wäu so, wias is, so is’s ma recht,
mir geht’s a heitzutags net schlecht.
|