AutorIn des Beitrages:
Holl Elisabeth
4600 Wels
elisabeth.holl@outlook.com
Zurück | Ausverkauf
Ausverkauf
Geh weida du,, hiazt gehn mar schoppm,
da Ausverkauf is übaroi,
Leibön, Blusn, Hosn, Joppm –
was Schens vergunn ih mar amoi.
Da gehn mar eini, da gibt’s vü,
da findt mar gwiss was Schens,
ih siags scho hänga übaroi,
dö ham was Gscheits, ih kenns.
Dö Hosn muaß ih gleih probiern,
dö gfallat mar so guat,
ih brings net zua, ih bih scho z´ dick,
da sinkt mar gleih da Muat.
Meiner Freindin geht’s da besser,
weil sie is dünn und zart,
sie koann a niade Hosn anziahgn,
dö tuat sih da net hart.
Bei dö Leibön da is anders,
da wiss´ mar net was nehma,
oans is schena wiar dös ander,
da werdn mar fesche Henna.
Dös Wagerl is scho ganz sche voi,
ih moan hiazt miaß mar zoihln,
zur Sicherheit nimm ich gleih d´ Koartn,
dass ich koa Geld muaß hoiln.
Hiazt gehn mar gmiatlih nuh ös Wirzhaus,
genießn Punggö und Kaffee,
dass mar doann ah nuh an Duarscht ham,
ih moan, dös wissts ja eh.
Doann gehn mar hoam mit unsre Sachan
und ramans gleih schen ein,
sunst sagt da Moa(nn) zum Schluss nuh gar,
ös miassts ja narrisch sein.
Elisabeth Holl August 2007
|
