AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | Des Leb’n is a Roas
Den oan den vaschlagts
weit aussi in d’Welt,
da andre bleibt da,
wäu eam d’Hoamat so fehlt.
Der oane is g’sund
und möcht‘ Bam ausdareiss’n,
da zweit geht vor d’Hund,
wäu er hat nix zan beiss’n.
Da oane stirbt bald
und hat nixi van Leb’n,
der andre wird alt
und is glückli daneb’n.
Des Leb’n is a Roas,
mit vü Freud, do a Miah,
wo’s higeht, des woas
ma in vornhinei nia.
|
