Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Wiplinger Peter Paul

A Bitt, A rechts Gwiaks, A Zeitvatreib

MundArt des Monats Mundart-Autoren Neueinträge
Beitrag anmelden


AutorIn des Beitrages:


Wiplinger Peter Paul
1030 Wien
wiplinger@web.de

Zurück

A Bitt, A rechts Gwiaks, A Zeitvatreib

A Bitt


nedda
a weng zuwilegn
zu dia loß mi

damit i dei heaz
gschpia

und vüleicht
a du meins


A Liabschoft


heast
d’hollablia
blian gonz narrisch

und i hob nua di
in mein bluad

sog
gschpiast mi du a


A rechts Gwiaks


affi und aowe
umi und oari

und da weg
is volla stoana

und d’fiaß
san scho miad

und d’nocht
kimmt a boeuid

oeuso schaun ma
daß ma hoamkeman
i und mei roß

A ZEITVATREIB


do schwimm i
und schwimm i
so dahi im wossa

schau auffi
in blauen himmö
und deng ma dabei

jessas na
wia schee des is
so z’schwimma im wossa

und se säwa dabei
gschpian wia a fisch
so leicht und so frei

und deng ma a nu dabei
nana da Tod ist nu weit
is nu weit wegga vo mia

und long soiss nu dauan
bis a mi hoid und nu oft
mechat i so schwimma

wia hiazt
im woaman wossa
bei so an woiknlosn himmö

und i winsch ma
daß oiss nu long so bleibt
wias jetzt grod mit mia is

 Mundart-Datenbank - Gesammelte Beiträge von Mundartautoren und Lesern zum Schmökern!