Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Hörschläger Franz Christian

Wia ma‘s kennt, dass s’Frühjahr kimmt

MundArt des Monats Mundart-Autoren Neueinträge
Beitrag anmelden


AutorIn des Beitrages:


Hörschläger Franz Christian
4173 St.Veit im Mühlkreis
franz.hoerschlaeger@aon.at

Zurück

Wia ma‘s kennt, dass s’Frühjahr kimmt

Wann an de Schuach de Klachön hängan,
wann af da Straß‘ de Klift afgengan,
wann di da Rollsplit s’Fircht’n lernt,
wia’st net afpasst, dass di sternt.

Wann da Ras’nmara streikt
und se d‘Dachreahrn owa neigt,
weu da Schneedruck letzte Wocha
hat net netta d’Dachreahrn brocha.

Ja, des Ziagldach is hin,
im Hof lieg’n zehn, zwölf Ziagl‘n d‘rin,
de Vögöhäusl’n san vadorb’n,
am End is oana aussa g’storb’n.

Des Gras kriagt a sei g’rechte Läng,
do woasst schon, s’Ras’nmah’n wird eng
mit so an hinin‘g Ras’nmara,
woher kriagst schnell an Schrauf’ndrara ?

Ja, des Früijahr warat schen,
miasst‘ ma net ins Garcht’l geh’n
und de Ercht regömentier‘n
d’Scherhauf’n war’n zan weggafiahrn.

Es gabat vü, was oan a g’freit,
s’Fruijahr war a schene Zeit,
bis ma se erscht recht besinnt,
was na grad da Summa bringt.

 Mundart-Datenbank - Gesammelte Beiträge von Mundartautoren und Lesern zum Schmökern!