AutorIn des Beitrages:
Hörschläger Franz Christian
4173 St.Veit im Mühlkreis
franz.hoerschlaeger@aon.at
Zurück | Des Summawedda
Es stockt af, de Leit‘ werd’n rennat,
oiweu stärka blast da Wind,
s’Katzei rennt, ois wia se’s kennat,
dass hiazt bald a Wedda kimmt.
D’Sunn vaschwindt‘ hinta de Wolk’n,
s’Viech treib’ns hoam, vaschwind’t im Stall,
glei d’raf blitzt’s, mit volla G’walt‘n
fahrt er owa af amoi.
Und hiazt kracht’s, ois z’reissert’s d’Welt,
da Sturmwind‘ haut in Reg’n zuwa,
ich hätt‘ mi schleinigst unterg’stellt,
unter’s Dachö, wann i du war‘. |
