AutorIn des Beitrages:
Hörschläger Franz Christian 4173 St.Veit im Mühlkreis franz.hoerschlaeger@aon.at
Zurück | Inta de blirat‘ Öpföbam
Ei, werd’n hiazt schnell de Wies’n grean,
drin fette Würm‘, a Schmaus fir d’Hean
und werast‘s oissamt üwidrah’n,
hearst resolut des Hahnviech krah’n.
Es tuat se was im Wies’nroan,
de Hummön und de Bein‘ schen kloa,
de b’suachan schon de erscht’n Bliah‘,
de Vogein singan uns eps via.
Im Wald drinn‘ hearst in Stiglitz schrei’n,
es kann do netta s‘Frühjoahr sein‘,
des d’Welt so wunderschen uns macht,
dass oan dabei des Herzerl lacht.
Hiazt muass i aussi ba da Tür,
mei Herz schlagt leicht, so macht’s ma’s via,
oiss war‘ i mitt’ns in an Tram,
inta de bliarat‘ Öpföbam. |