AutorIn des Beitrages:
Hörschläger Franz Christian
4173 St.Veit im Mühlkreis
franz.hoerschlaeger@aon.at
Zurück | S’Leb’n hängt an an seidan‘ Fad‘n
S’Leb’n hängt an an seidan‘ Fad’n,
d’rum tat i da a rat’n:
Geh‘ üwa koa Bruck’n,
du kunntast dasauf’n,
ba da Jagd tua de duck’n,
sunst schiass’ns de üwan Hauf’n.
Und gehst in da Gass’n,
schau oiweu noch ob’n,
kunnt a Bleamöstock fall’n
dir am Kopf van Balkon.
Ban Joggen sei g’leg’nsaum,
renn‘ hint, net ganz vorn‘,
weu vü Leit de hab’n
dabei s’Leb’n schon valor‘n.
Und tuast di valiab’n,
dann tua’s mit Bedacht,
wülls’t koan Herzkasperl kriag’n
ba da Liab in da Nacht. |
