AutorIn des Beitrages:
Hörschläger Franz Christian
4173 St.Veit im Mühlkreis
franz.hoerschlaeger@aon.at
Zurück | Bergbau‘ und Talbau‘
Da drunt‘ im Tal is oissamt eb’n,
dort hat da Bau‘ a schena‘s Leb’n
ois wia herob’n in uns’re Leit’n,
de a uns Bergbau’n net recht g’frei’n.
Und wann da Talbau‘ ackern tuat,
tiaf drunt‘ im Tal, da tuat’s a guat,
du siagst koan Traktor stund’nlang,
weu d’Felda so groissmachti‘ san.
Ba uns da war’s schier umg’kehrt bald,
ganz kloane Felda, nix ois Wald,
drum is a da Ertrag net g’rad,
derselbe, den da Taler hat. |
