AutorIn des Beitrages:
Hörschläger Franz Christian 4173 St.Veit im Mühlkreis franz.hoerschlaeger@aon.at
Zurück | Bikinifigur
Da Summa is schon nimma weit
und mit eam a de Badezeit.
Bauch und Hüftspeck miass‘n schwind’n,
a de Fettpolsta va hint’n.
Hiazant aft hoasst’s spar’n ban Ess’n,
weu sunst kannst d’Saison vagess’n,
da Bikini nix vasteckt,
hast‘ üwaschüssig’s G’wicht entdeckt.
A da Tanga zoagt ganz stoiz,
was net is wia Eb’nhoiz,
jede Fettroll’n, jede Falt’n
tuat er im Gedächtnis‘ b’halt’n.
Und so leid’t die Freid‘ im Bad,
wann ma zan vaberg’n was hat,
d‘rum nutzt a koa Bau‘ einziag’n,
wüll ma vor de Leit‘ flanier’n.
Next’s Joahr fangi frira an,
dass i abnimm‘, liaba Mann
und du wirst mi nimma kenna,
next’s Joahr, da bin i da Schena.
|