AutorIn des Beitrages:
Hörschläger Franz Christian 4173 St.Veit im Mühlkreis franz.hoerschlaeger@aon.at
Zurück | De alte Spülzeigtruah‘
Neuli war i am Dachbod’n ob’n,
an groiss’n Schatz han i dort g’hob’n,
de alte hülza‘ Spülzeigtruah‘,
voll mit da Sach‘, de i ois Bua
so gern zan Spül’n ma gnumma han,
s’Blechauto, mit dem ma lenk’n kann,
da Kreis’l mit de schenst’n Farb’n,
hat er si draht, bist schwindli‘ word’n.
De Malstift han i a entdeckt,
(in mir is a Picasso g’steck’t),
den rot’n Ball mit dem so wüld
i oft mit’n Papa drausst han g’spült.
Vü Sachan, de schon brocha war’n,
hab’n fir mi net in Wert valor’n
und denk‘ i z’ruck a etla Joahr‘,
woass i, wia schen mei Kindheit war. |